.png)
X’inhi l-ħela tal-ikel?
Aktar minn 25% tal-ikel li jiġi prodott jinħela: “Fl-Irland naħlu madwar 750,000 tunnellata ikel kull sena, skont l-aħjar stima attwali”, (l-Aġenzija tal-Protezzjoni tal-Ambjent 2023). L-UE tiddefinixxi l-ħela tal-ikel bħala ikel li 'jintilef jew jinħela tul il-katina tal-provvista tal-ikel, fl-irziezet, fl-ipproċessar u l-manifattura, fil-ħwienet, fir-ristoranti u fil-canteens u fid-djar." Filwaqt li tista’ tkun kemxejn kumplessa li tiddefinixxi x'inhi jew x’mhijiex ħela tal-ikel, id-definizzjoni tista' tkun purament li l-ħela tal-ikel hija ikel li ma jittikilx.
L-għanijiet tal-proġett huma:
-
Li nedukaw skejjel tal-lukandi u kulinari dwar kif b’titjib fl-użu tat-teknoloġija tista’ tnaqqas il-ħela tal-ikel.
-
Li nedukaw skejjel tal-lukandi u kulinari dwar kif titjib teknoloġiku jista’ jgħin fit-tkabbir tal-ikel fl-iskejjel u t-tnaqqis fil-ħin tat-trasportazzjoni tal-ikel.
-
Li ntejbu ċ-ċirkolarità tal-ħela tal-ikel fi skejjel tal-lukandi permezz tas-sistema tal-kompost, tal-gas harvesting u ta’ prodotti b’valur miżjud.
Kif tista’ t-teknoloġija tgħin fit-tnaqqis tal-ħela tal-ikel?
Bdejna FoodTuristic f’Novembru 2023 billi identifikajna teknoloġiji aċċessibbli u affordabbli li l-iskejjel tal-ospitalità u kulinari jistgħu jixtru u jimplimentaw sabiex inaqqsu l-ħela tal-ikel fil-kċejjen tagħhom. Dawn it-teknoloġiji għandhom jgħinu skejjel tal-lukandi biex ikabbru l-ikel fil-campus, inaqqsu l-ħela tal-ikel, u jerġgħu jużaw kwanlunkwe skart tal-ikel li jkun ġie prodott.
Xi eżempji ta’ dawn it-teknoloġiji jinkludu:
-
Pjattaformi diġitali għad-distribuzzjoni ta' ikel mhux mibjugħ/mhux ikkunsmat
-
Kontenituri tal-iskart tal-ikel li permezz tal-Intelliġenza Artifiċjali jkejlu u jirrapurtaw dwar il-ħela tal-ikel, skont it-tip ta’ ikel
-
Diġesturi anaerobiċi għall-ħolqien ta' kompost fuq il-post
-
Ir-Realtà Virtwali bħala ispirazzjoni għal studji ta' każijiet dwar it-tnaqqis tal-ħela tal-ikel
-
Sistemi innovattivi ta’ kompost fuq il-post, bħal fermentazzjoni tal-bokashi
-
Filtri taċ-ċeramika għal friġis biex iżidu ż-żmien ta’ kemm idum tajjeb il-prodott frisk
-
Biedja vertikali fuq ġewwa
-
Smart freezers
-
Il-valur miżjud lill-prodotti tal-ikel diġà eżistenti sabiex jerġa’ jintuża l-ikel li ġie skartat (eż. żejt taż-żerriegħa tal-qargħa ħamra)
-
L-ippakkjar bil-vakwu u l-issiġillar tal-ikel bil-gassijiet
-
Installazzjonijiet tal-Polytunnel u monitoraġġ sabiex jinġabar biss dak li għandu jittiekel
-
Stikers li jnaqqsu l-etilen – il-gass li jgħaġġel il-proċess tal-maturazzjoni tal-frott
Iffinanzjat mill-Unjoni Ewropea. Madankollu, il-fehmiet u l-opinjonijiet espressi huma dawk tal-awtur(i) biss u mhux neċessarjament jirriflettu dawk tal-Unjoni Ewropea jew tal-Aġenzija Eżekuttiva Ewropea għall-Edukazzjoni u għall-Kultura (EACEA). La l-Unjoni Ewropea u lanqas l-EACEA ma jistgħu jinżammu responsabbli għalihom.